आजची आत्मिक भाकर

 वचन: अब्राहामाने दुसरी बायको केली तिचे नाव कटूरा होते. उत्पत्ती २५:१.

प्रार्थना: हे प्रभू येशू मी तुझ्या द्वारे अब्राहामाच्या आशीर्वादांचा भागी झालो म्हणून मी तुझे आभार मानतो. विश्वासाचे जीवन जगण्यास मला सहाय्य कर. येशूच्या नावाने मागतो म्हणून तू ऐक. आमेन.

रेव्ह.कैलास [अलिशा ]साठे .

वचन: जगात देवाची म्हणून मूर्तीच नाही, आणि एकाखेरीज दुसरा देव नाही. १ करिंथ ८:४.

करिंथ येथे त्याकाळी खूप मूर्तिपूजा चालत असे, काही विशेष प्रसंगी सामुदायिक भोजन समारंभ आयोजित केले जात असत. संपूर्ण शहर आशा कार्यक्रमात भाग घेत असे. काही विद्वान ख्रिस्ती या भोजन समारंभात मूर्तींच्या मंदिरात भोजन करीत, तर काही दुविधा मनःस्थिती मध्ये राहात कारण त्यांना वाटत असे कि मूर्ती मध्ये ते दैवत वास करिते व जर आपण ते खातो तर आपण विटाळतो.या परिस्थितीत त्यांच्या मध्ये वादविवाद होत असत. ईश्वरपरिज्ञानामुळे स्वतःला विद्वान समजणारे लोक त्यांच्या खाण्या पिण्याचे समर्थन करताना मूर्ती शून्य आहे, खाण्यापिण्या मुळे काही फरक पडत नाही असे सांगत, यशया ४०:२५–२६. संत पौलाला यामुळे भीती वाटत होती कि स्वतःला शहाणे समजणाऱ्या या विद्वानांनमुळे, दुविधा अवस्थेतील भाऊ बहिणी अडखळून पुन्हा निरर्थक गोष्टींच्या मागे लागतील. त्यामुळे तो या विद्वानांना खडे बोल सुनावतो कि आपल्या भावा बहिणींशी प्रितीने वागा.त्यांच्यासाठी आशा गोष्टीन पासून दूर राहा.

ख्रिस्ती जीवन हे स्वतःसाठी कधीच नसते, हे सामुदायिक कर्तव्यांनी बांधलेले जीवन आहे.तुमचे ज्ञान, सामर्थ्, आत्मिक दाने हि सर्व आत्मिक भावा बहिणींच्या उन्नतीसाठी उपयोगात आणायची असतात.संत पौल म्हणतो,‘खाण्यामुळे मी जर आपल्या बंधूला अडखळण होत असेल तर मी त्याला अडखळू नये म्हणून कधीच मांस खाणार नाही.’१ करिंथ ८: १३.

प्रार्थना: हे प्रभू येशू मला माझी आत्मिक कर्तव्य योग्यप्रकारे पार पाडता यावी म्हणून सहाय्य कर .येशूच्या नावाने मागतो.आमेन.

रेव्ह .कैलास [अलिशा] साठे.

Enable GingerCannot connect to Ginger Check your internet connection
or reload the browserDisable in this text fieldEditEdit in GingerEdit in Ginger×